بعدما فقدته بحادثة البحر الميت… رسالة موجعة من أم لطفلها:
اشتعلت مواقع التواصل الاجتماعي برسالة مؤثرة جداً كتبتها والدة أحد الأطفال ضحايا حادثة باص البحر الميت في الأردن.
وأضافت الأم: “تلاجة باردة، معتمة وانت بتخاف من العتمة كتير. أنا لسا عم بستناك. السما اليوم بكيت عليك كتير بس أنا لسا ما بكيت. أنا عم بسمع الباب بيدق وعم بسمع صوتك وانت بتنادي علي وبتقلي يما رجعت!”.
وتابعت: “أنا بوعدك اليوم لو رميت شنطتك بنص الدار ودخلت ببوطك اللي كله طين علسجاد ما رح أصرخ عليك. اليوم إنت كنت طالع تنبسط وأنا مسامحتك لو شو ما تعمل بس خليني أشم ريحتك وأتطلع بعيونك اللي بتوزع علدنيا كلها فرح”.
وختمت: “إنت تأخرت كتير. أنا وإخوتك وأبوك علشباك بنستناك الدنيا برد وعتمة. صوت قلوبنا اللي بتصرخ وبتناديك أقوى من صوت كل العواصف اللي برة، سامعنا يا حبيبي إحنا عم نستناك، طولت كتير”.
ويذكر أن الطفل هو أحد التلاميذ الذين جرفت السيول حافلتهم أثناء رحلة مدرسية.