حسام جنيد يعلن اعتزاله الفن.. ما السبب؟

أعلن الفنان حسام جنيد، اعتزاله مجال الفن والوسط الفني لعدة أسباب أثارت غضبه، وذلك من خلال بوست عبر حسابه الشخصي على فيسبوك.
اعتزال حسام جنيد الفن
وكتب حسام جنيد سبب اعتزاله الفن عبر موقع التواصل الاجتماعي وقال: حبايب قلبي وجمهوري الغالي والحبيب ولكل شيء دعم وساند حسام جنيد بكل هالسنين اللي تعبتوا معي فيها بسبب الظروف القاسية اللى بمر بها وإن شاء الله رح بتكون هي آخر سنة إلي بالفن.
وأضاف حسام جنيد: لدي التزامات مع متعهدين حفلات وأعراس وسفر والتزامات بالأغاني مع ملحنين وشعراء يعني كل شي عندي أغاني رح تسمعوها هي السنة كل أسبوع أغنية.. رح بتقولو ليش.
واستكمل: أولا لأن هناك رجل أعمال سوري كبير وله نفوذ بكل العالم ويرعب المتعهدين وصاحبين المصلحة أنو مايشغلوني ولا يتعاطوا معي.. ليش لأن هوي بيخوف.
حسام جنيد
وأشار حسام جنيد: وحاولت ابعتله أخبار لاعرف ليه من كل الجهات وما أتجاوب السبب أنا مابعرف على كل حال اليوم زمن السلطة والمصاري.
أما الأمر الثانى يحدثنا فيه حسام جنيد قائلا: لأن متعهدين الحفلات بلبنان والي معتبرين حالنا واحد كمان شانين حرب كبيرة على حسام جنيد لحتى يبيضو وجه.
ويستكمل حسام جنيد: الأمر الثالث حتى تعمل جوا لازم اتسب واترقص واتغني أغاني ليس ظابطة أبدا حاولت بس ماقدرت صوتي وفني أكبر من ذلك بكثير.. رح أترك بكرامتي أحسن.. ورابعا أنا بحترم كل الفنانين ولا بيعمري أذيت حدا.. وأنتم رح تكتشفو الأصوات السنة الجاي.. لانو مابقا حدا غبي.. بقا ياحبايب روحي.. الأغاني اللي جاهزة عندي رح تنزل على قناتي على اليوتيوب كل أسبوع أغنية وطبعا قناتي رح بضل موجودة ورح ينزل عليها أغاني وتسمعو الصح لآخر السنة ورح أعمل الحفلات اللي ملتزم فيها كرمال ماحدا يزعل مني وأمانة الله اذكروني بالخير وانشالله الأغاني اللي رح بتنزل بتعجبكم أخوكم الصغير حسام جنيد بحبكم من كل قلبي.



