أخرالاخبارفن

يسرا اللوزي: اكتشفت إني حامل أثناء تصوير دهشة وحاولت الاعتذار

كشفت الفنانة يسرا اللوزي كواليس مسلسل دهشة، قائلة: لما خلصوا الديكور في مسلسل دهشة وهدّوه، وبعدين بنوا القرية بتاعة دهشة، قعدنا فيها 5 شهور بنصور، وبعد ما هدوا الديكور اللي صورت فيه، ده كان يوم ما اكتشفت إني حامل.

وأضافت يسرا اللوزي خلال لقائها في برنامج نجوم رمضان أقربلك، المذاع عبر محطة نجوم إف إم، مع الإعلامية إنجي علي: الدور كان صعب والتصوير في أبو رواش فـ كنا بنتحرك  بـ توك توك وفي حتت مكسرة وأنا حامل، كلمت أستاذ صادق الصباح (المنتج) قولتله أنا مش عارفة أقولك إيه أنا صورت مشهد في الديكور بتاع حنان مطاوع بس أنا لسة مكتشفة إن أنا حامل وتقريبا أنت أول حد أقوله، وهعتذر عن المسلسل، قالي مفيش أي مشكلة وألف مبروك، وكان رافض إني أعتذر ووفرلي سبل الراحة في التصوير، وكان من أحلي الأدوار اللي عملتها لحد دلوقتي.

وتطرقت يسرا اللوزي للحديث عن ابنتيها، مشيرة إلى أن خلفة البنات تجلب الأمان، حيث قالت: أنا شايفة اللي خلف ولد هو اللي هيشيل الهم، اللي خلف بنت بيحس بالأمان وإن عنده صاحبة بقية عمره، أنا لو كان عندي ولد كنت هحبه بس أنا كان نفسي أجيب 3 بنات.

وتدور أحدث المسلسل رجل ثري لديه ثلات بنات، ويقرر الرجل توزيع تركته على بناته وهو حي يرزق، وتتعقد حياة هذا الوالد حين يكتشف أنه ارتكب خطأ جسميما، وتبدأ بنات هذا الرجل في معاملته بجحود، لتستقل كل واحدة بميراثها تاركة خلفها والدها، تكشف الأحداث النقاب عن بعض المشاكل التي يعيش فيها المجتمع من فساد وجشع.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى