شاهد: والد حسام حبيب يلوم ويهاجم نجله بقضية شيرين عبدالوهاب
هاجم حسين حبيب ابنه المغني حسام حبيب بعد مداخلته مع الإعلامي عمرو أديب في برنامج “الحكاية”، حيث كشف عن تفاصيل جديدة في أزمة المطربة شيرين عبدالوهاب، مؤكدا أن مخالفة ابنه لشرع الله وتجاهله نصيحته وراء هذه الأزمات.
و أضاف” حطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك”.
و تابع” إنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، اسأل أبوك يقولك تقول إيه”.
و اختتم حديثه قائلًا: “رايح تقول لعمرو أديب إنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتي سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنة مطلقاها ما اشتغلتش ليه بطل حجج، وخليك راجل أنت فعلا مش تربيتي، ست طلعت من بيت مامي على بيت مراتك”.
