فن

لماذا طرد الفنان عادل إمام زميله الفنان رضا حامد من المسرح؟

حلّ الفنان ، رضا حامد، ضيفاً، على برنامج (كلام الناس) المُذاع على شاشة (إم بي سي مصر)، مع الإعلامية ياسمين عز، وكشف حامد للمرة الأولى، عن السبب الذي دفع عادل إمام لاستبعاده من مسرحية (بودي جارد).

فقال “عادل إمام هو اللي جابني المسرحية، واشتغلت 9 سنين معاهم على المسرح، لكن حصل خلاف بيني وبين الفرقة، فأثناء حوار مع الإعلامي أسامة كمال ذكرت أشياء أعتقد إنها اتفهمت غلط على السوشيال ميديا، لكن أنا مقولتش حاجة غلط تجاه أستاذ عادل”.
وأضاف : “عادل إمام تاريخ كبير جدا، ومن حقه يستبعد أي شيء شايف إنه يسيء للعرض، وإحنا إتعلمنا منه التمثيل والكوميديا، أنا لا أنسى له موقف قبل دخولي على المسرح، مسك كتفي وقال يا رضا إنت ممثل جامد”

وقد اشتكى حامد، من سوء وضعه المادي، فهو يعيش ظروفاً قاسية، إذ قال “مباكلش عيش، حتى العيش مباكلوش، المصريين أجمل حاجة فيهم بيقولوا الحمد لله، حتى لو الدنيا مزنقة، الحقيقة برضه معارفي القدام تواروا عن الوسط الفني، لكن عندي ابن بيبقى قلقان عليا أوي، حاسس أن أبوه موهوب”.

وكشف حامد عن قيام ابنه بالتواصل مع كاتب مسلسل (جزيرة غمام) الذي عُرض مؤخراً في رمضان، لطلب منح والده دوراً فيه، وقال معلّقاً “فوجئت إن ابني كلم عبد الرحيم كمال مؤلف (جزيرة غمام) على صفحته، فقاله بابا رضا حامد، فالحقيقة هو كلمه ورد عليه، لإن غالبا الناس دي أي حد بيكلمهم مبيردوش، فهو رد الحمد لله، وقاله لا باباك ده نجم كبير وحاجة محترمة وفنان كبير، وإن شاء الله يكون معانا، وده اللي حصل يعني”.

وأضاف: “ابني اللي بيتواصل يعني، فقولتله ليه عملت كده؟ قالي لا يا بابا، ما أنت مش عارف تتحرك، فبيتهمني إني مقصر في إن أنا مبتحركش، قولتله هتحرك أعمل إيه؟”.

وتحدث حامد عن مشاركته في فيلم (عمر وسلمى)، مع الفنان تامر حسني، وقال مازحاً “مينفعش أهاجم تامر حسني عشان جايز يشغلني معاه”، لتقاطعه المذيعة ياسمين “مينفعش حد يهاجمه وأنا قاعدة، وتهاجمة ليه”، فردّ عليها “علشان مجبنيش أشتغل معاه تاني”.

مقالات ذات صلة

زر الذهاب إلى الأعلى