شاهد: إحدى ضحايا حنين حسام تكشف كيفية استدراج الفتيات.. تفاصيل صادمة

و بدأت الفتاة في سرد بداية القصة، قائلة: “قالتلي هتشتغلي مذيعة على برنامج لايف قلتلها هعمل إيه؟، قالتلي عندك إيه تقدميه؟، فقولتلها اشرح للناس اللي درسته، قالت تمام والقبض 300 دولار في الشهر يعني 5000 آلاف جنيه، و طلبوا أعمل ملف تعريفي نبعته للإدارة في فيديو وصور بطاقتي، وفعلا عملت ده، واشتغلت لمدة شهر”.

و أكدت الفتاة خلال المقطع، أنه عقب مرور شهر، بدأت تظهر الأمور: “كانوا بيقولولنا اكتبوا أنكم عاوزين دعم، عشان الهدايا والكوينز اللي بتجيلنا، ولما مكتبتش جالي إنذار بالبلوك ومسح الحساب”.

وتابعت” اتفاجئت بالبنات جوة، اللبس صعب، ومفيش محتوى، وبيكسبوا 50 ألف في الشهر، كنت ممكن ابقى زيهم واقول أعمل أنا كمان زيهم وأكسب، واكتشفت أنه مطلوب مننا حاجات مش كويسة، نتدلع قدام الكاميرا قدام الناس، ونكسب والولاد يجيبوا بنات وياخدوا عمولة، والوكالة دي كلها كدة ودة شغلها”.

واختتمت قولها: “ده إتجار في البشر وأكتر، كلمة إتجار دي كلمة رقيقة أوي على اللي بيحصل جوة”.

و يذكر أن محكمة جنايات القاهرة، كانت قد عاقبت حنين حسام ومودة الأدهم وآخرين، في اتهامهم بالاتجار في البشر، بالقضية المعروفة إعلاميا بـ”بفتيات التيك توك”، حيث قضت بمعاقبة حنين حسام غيابيًا بالسجن المشدد 10 سنوات، وتغريمها 200 ألف جنيه، وباقي المتهمين حضوريًا بالسجن 6 سنوات وتغريم كل منهم 200 ألف جنيه.

وتم القبض على حنين حسام، لتنفيذ الحكم الصادر ضدها بالسجن المشدد 10 سنوات وغرامة 200 ألف جنيه.