أخرالاخبارمنوعات

هاجر الشرنوبي تهدّد بفضح مُعلمة ابنها عبر منشور على (فيسبوك) ثم تحذفه

نشرت الممثلة هاجر الشرنوبي، في حسابها على مواقع التواصل الاجتماعي “فيسبوك”، تهديدًا لمُعلمة ابنها في إحدى المدارس الخاصة بفضحها، لأنها تُعلم طفلها الفتنة على زملائه ووالديه.

وحسب ما نشره موقع (لها)، قالت هاجر في منشورها “يا جماعة لو سمحتم عاوزة آخد رأيكم في حاجة، على أيامنا المؤسسة كان اسمها ” تربية وتعليم. هو ينفع مدرّسة فاضلة تربوية تعلّم الأولاد “الفتنة”؟، ينفع تستفرد بعيال صغيرة لسه سنّهم 11 سنة، وتقولوهم تعالوا قولولي إيه اللي بيحصل في غروب الأمهات؟”.

وأضافت “ينفع تخلي الأولاد يفتنوا على بعض وتلبّس طاقية ده لده، وتبقى مجنّدة طفل صغير يفتنلها ويبقى عصفورة على أصحابه!، طب هي مفكرتش في الولد اللي مجنداه ده هطلعه ايه لما يكبر، بتعلمه الفتنة وتخليه منبوذ قدام صحابه! لما تعرف إن ولي أمر اشتكى منها في الغروب واللي في المدرسة تستقصد ابنه في الفصل وتضحّك عليه الأولاد، وتقلل منه الدرجات وتستقصده وتعيّشه جوه المدرسة عيشة سودة!”.

واختتمت منشورها بأنه “ينفع تسيب الحصة وتقعد تصحّح الامتحان وتقرأ الاجابات قدّام الأولاد وتقعد تضحّكهم على بعض بدل ما تعلمهم وتربيهم وتشجعهم… هي الأستاذة الفاضلة ما تعرفش إن التربية قبل التعليم؟، وطايحة في العيال ومحدش بيعاقبها؟ غالباً المرة اللي جاية لو الموضوع طوّل وفضلت بالشكل ده هكتب اسمها واسم المدرسة وهحول الموضوع لرأي عام، علشان اللي بيحصل ده في نفسية الأولاد محدّش هيحاسب عليه غير أولياء الأمور لما تطلع نفسية الأولاد مشوهة بالشكل ده، وحسبي الله ونِعم الوكيل في كل راعي مش مسؤول عن رعيته”.

يُذكر أنه يعرض حالياً لهاجر الشرنوبي مسلسل “الضاحك الباكي”، وهو بطولة: عمرو عبدالجليل، فردوس عبدالحميد، رزان مغربي، وياسر الطوبجي، ومن تأليف محمد الغيطي، وإخراج محمد فاضل.

مقالات ذات صلة

زر الذهاب إلى الأعلى